Shqipëri: 70 përqind e Qeverisë udhëheqet nga gratë

Keystone (AP Photo/Visar Kryeziu)

Kryeministri i Shqipërisë Edi Rama teksa mori pjesë në “Samitin Botëror të qeverisjes 2023” në Dubai, foli mbi rolin e grave në qeverisjen dhe shoqërinë e shekullit XXI.

Rama së bashku me Dubai Abulhoul që është drejtuese dhe themeluese e drejtuese e Institutit “Fiker” zhvilloi një bashkëbisedim mbi ndikimin e angazhimit të grave në nivelet më të larta vendimmarrëse në qeverisje.

“Jam sinqerisht i përulur nga kjo ftesë dhe nga mundësia për të marrë pjesë në këtë varg kaq mbresëlënës evenimentesh në këtë platformë dhe për të pasur mundësi për të folur për përvojën tonë. Dua ta them shumë drejtpërdrejtë se nuk ka qenë fjala për një model, por për një nevojë për t’i realizuar gjërat, për t’i bërë ato. Kam qenë dëshmitar me përvojën time i asaj çka Margaret Thatcher ka thënë dhe që është e vërtetë. Nëse dëshiron të flasësh gjej burra dhe bëje, nëse do të realizosh gjëra, gjej gra dhe bëje”, tha Rama, transmeton albinfo.ch. Ai theksoi se jesa dërmuese e kabinetit të tij qeverisës, përkatësisht 70 përqind janë gra.