Edi Rama: Kurti ka bërë gjënë e duhur, nuk duhet gjykuar

Rama: “Moment historik”, takimi Kurti-Vuçiq

Pas takimit të djeshëm, Kurti-Vuçiq, ka reaguar edhe kryeministri Edi Rama, i cili ka konsideruar një moment historik dhe të rëndësishëm për paqen rajonale takimin mes kryeministrit të Kosovës, Albin Kurti dhe presidentit serb, Aleksandar Vuçiq, përcjell albinfo.ch.

Në lidhje me kritikat ndaj Kurtit, ai u shpreh se uron që askush nuk e akuzon për tradhti apo harresë, por të kuptojnë se ai ka bërë gjënë e duhur, duke u hedhur një hap drejt daljes nga e djeshmja.

Kryeministri Edi Rama në Twitter: Paqja dhe bashkëpunimi janë çelësi për të ardhmen që u detyrohemi fëmijëve tanë në këtë rajon të shkatërruar prej shekujsh nga mungesa e paqes dhe bashkëpunimit. E mirëpres pëlqimin e dy palëve për Marrëveshjen për rrugën e normalizimit ndërmjet Kosovës dhe Serbisë.

Ky është një moment historik i rëndësishëm për paqen rajonale dhe unë inkurajoj fuqimisht të gjitha palët e përfshira që të vazhdojnë të punojnë për një zbatim të shpejtë. Për paqen dhe bashkëpunimin, Shqipëria është dhe do të mbetet një besimtare dhe një model roli. Ne mbështesim plotësisht çdo përpjekje për të kapërcyer të kaluarën.

Uroj që askush nuk e akuzon Albin Kurtin për tradhti apo harresë, por gjithkush të kuptojë se kryeministri i sotëm i Kosovës ka bërë gjënë e duhur, duke u hedhur një hap të parë me shumë rëndësi drejt daljes nga kurthi i së djeshmes. Hapa të tjerë pasofshin pa humbur kohë.

Kujtojmë se Kryeministri Albin Kurti dhe presidenti i Serbisë, Aleksandar Vuçiq, gjatë takimit të një dite më parë në Bruksel u pajtuan me propozimin e Bashkimit Evropian për normalizimin e marrëdhënieve, por nuk pati nënshkrim dokumenti, ndërsa u la një datë tjetër takimi, më 18 mars.

Arsyeja ishte sepse palët kishin mospajtime për zbatimin e tij. Megjithatë, sipas shefit të diplomacisë evropiane, Josep Borrell, të dy udhëheqësit treguan sjellje të përgjegjshme dhe gatishmëri për të gjetur zgjidhje.

 

---