Shqipëri: Në shkurt, 19.2 miliardë lekë për biznese e individë

Foto Ilustrim

Bankat kanë dhënë me shumë kredi për ekonominë shqiptare. Rritja e normave të interesit nga Banka e Shqipërisë duket se nuk ka dhënë efekte të forta në ngadalësimin e kreditimit. Statistikat e Bankës së Shqipërisë tregojnë se në shkurt sistemi bankar ka shpërdarë një hua në një vlerë prej 19.2 miliardë lekësh, duke pësuar një rritje me rreth 5 % nëse e krahasojmë me të njëjtën periudhë të një viti më parë.

Ndërkohë në krahasim me muajin janar të këtij viti janë dhënë rreth 3 miliardë lekë më tepër.

Në dy muajt e parë të këtij viti bankat kanë dhënë 35.8 miliardë lekë financime për ekonominë. Individët kanë marrë më tepër hua dhe në krahasim me të njëjtën periudhë, kredia e dhënë për qytetarët ka pësuar një rritje me rreth 11% .

Financimi i qytetarëve ka qenë kryesisht për blerje banesash.

Sipas shifrave të huave të reja për individë, 3.8 miliardë rezultojnë për blerje banese përgjatë muajit shkurt 2023 ose më shumë se gjysma e vlerës së huave që janë marrë nga individët përgjatë shkurtit, kanë qënë me qëllim për blerje banese.

Pritshmëritë janë që vitin e ardhshëm inflacioni të rikthehet në objektiv më 2024, çka do të ndikojë edhe në uljen e normave të interest nga Banka Qendrore./abcnews