Shqipëria, destinacion i këtij viti, shkruajnë mediat italiane

@pixabay

Kanali televiziv italian RAI3 transmetoi një reportazh, të cilin ia kushtoi rivierës shqiptare, ku Shqipëria cilësohet si “destinacionin i momentit”.

Lajmin e ka bërë të ditur ministrja e Turizimit dhe Mjedisit në Shqipëri, Mirela Kumbaro.

“Reportazhi i RAI3, si promovim i shkëlqyer i turizmit në Shqipëri, duke pasqyruar edhe ngjarjen më të rëndësishme që organizuam, Konventën Ndërkombëtare të Turizmit-FESTA”, u shpreh Kumbaro.

Përshkrimi nis me “plazhe të pastra, det i kristaltë dhe peizazhe që të lënë pa frymë”.

“Mesatarisht, nga 10 vlerësime, 8 janë për Shqipërinë. Tashmë është destinacioni i momentit, por edhe për kostot, për lidhjet nga Bari nga Brindisi nga Ankona, kështu që njerëzit mund të vendosin se kur dhe si duan të shkojnë në Shqipëri”, thuhet në reportazh.