Policia e Shqipërisë ka marrë masa sigurie për vizitën e Bill Klinton-it

Bill Clinton, FB

Ish-presidenti i Shteteve të Bashkuara të Amerikës, Bill Klinton, të hënën arrin në Tiranë.

Kjo ka bërë që Drejtoria Vendore e Policisë në Tiranë, me mbështetjen e Drejtorisë së Përgjithshme të Policisë së Shtetit të marrë një sërë masash për sigurinë e Klinton-it, shkruan Top Channel.

Duke filluar nga aeroporti i Rinasit, shoqërimi drejt Tiranës në vendet ku do të zhvillohen takimet, akomodimi dhe shoqërimi drejt Rinasit, deri në përfundim të vizitës është zhvilluar plani.

Një nga masat e planit të detajuar konsiston në sigurimin e rrugëkalimit të ish-presidentit të Shteteve të Bashkuara të Amerikës, ku Policia e Shtetit njofton se do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë këtyre dy ditëve në Tiranë, përcjell albinfo.ch.

Bill Klinton do të takohet me Kryeministrin e Shqipërisë, Edi Rama dhe do të vazhdojë me me takime të tjera.