Rama takohet me Macron, Erdoganin, Melonin dhe Blinken

Rama poston fotot nga mbrëmja e kaluar në Pallatin Presidencial të Vilnius-it

Praninë e tij në punimet e samitit të NATO-s që po i mban punimet në Vilnus të Lituanisë, Kryeministri Edi Rama e shfrytëzoi për të zhvilluar edhe një sërë takimesh me liderë e zyrtarë të lartë të shteteve anëtare të aleancës, përcjell albinfo.ch

Kreu i qeverisë shqiptare bisedoi me Presidentin francez, Emmanuel Macron, Kryeministren e Italisë, Xhorxhia Meloni, Sekretarin amerikan të Shtetit, Antony Blinken, si dhe ministrin e Mbrojtjes së Greqisë, Nikos Dendias.

Kryeministri Edi Rama pati një takim të veçantë edhe me homologun e tij grek, Kyriakos Mitsotakis.

“Mirëmëngjes, dhe me disa momente nga mbrëmja e bukur në Pallatin Presidencial në Vilnius, ju uroj një ditë të mbarë”, shkruan kreu i qeverisë në llogarinë e tij në Facebook.

Kujtojmë se krerët e NATO-s u mblodhën dje në kryeqytetin lituanez për të diskutuar mbi situatën aktuale në Ukrainë dhe për kërkesën e këtij shteti për t’u bërë pjesë e kësaj aleance.

---