Haradinaj, thirrje shqiptarëve të Maqedonisë: “Mos i besoni Kurtit”

FB: Ramush Haradinaj

Kryetari i Aleancës për Ardhmërinë e Kosovës, Ramush Haradinaj, u ka bërë thirrje shqiptarëve të Maqedonisë së Veriut, të cilët të premten e pritën Kryeministrin e Kosovës, Albin Kurti.

Ai thotë: “Mos i besoni mashtruesit Albin Kurti”.

“Të dashur bashkombas shqiptarë në Maqedoni të Veriut, mos i besoni mashtruesit Albin Kurti. Në Kosovë i ka bllokuar të gjitha rrugët e projektet, përfshirë edhe rrugën e Plavës. Pasi nuk mund t’i gënjejë më kosovarët, paska ardh t’ ju mashtrojë juve, për rrugën Tetovë – Prizren. Edhe në Shqipëri tentoi njëjtë, por nuk i besuan dhe e përzunë. As ju mos bini pre e mashtrimeve të tij”, ka shkruar Haradinaj, përcjell albinfo.ch.