Emerging Europe rendit pesë plazhet më të mira në Shqipëri

Beautiful Ionian Sea with clear turquoise water, wooden pier and morning summer coast view from beach (Ksamil, Albania). Two shots stitch image.

Portali i njohur britanik, “Emerging Europe”,  u ka kushtuar kësaj radhe vëmendje plazheve në Shqipëri, duke renditur pesë më të mirat.

Artikulli nis me plazhin e Gjipesë, që e përshkruan si parajsë për adhuruesit e natyrës, me pamje piktoreske. Një gji i veçuar që arrrihet vetëm me varkë ose më këmbë, që ofron ujëra të kristaltë dhe një peizazh të paprekur, mes shkëmbinjve, përcjell albinfo.ch.

Pastaj plazhi i Ksamilit, që e cilëson si një thesar që nuk është më i fshehur, me rërën e bardhë dhe ujërat e kristaltë, ku plazhi mund të bëhet edhe në mjedise të izoluar në 4 ishuj të paprekur që arrihen edhe me not, shkruan TV Klan.

Plazhi i Gjirit të Akuariumit ofron një shtrirje të paprekur me peizazhe spektakulare, me ujëra të pastër kristal të rrethuar nga ullishte dhe selvi.

Për Jalën, “Emerging Europe” shkruan se plazhi me një bukuri të paprekur ofron një ndjenjë qetësie që rrallë gjendet në pikat më të njohura turistike, me një sfond pyjesh të dendur me pisha dhe kodra piktoreske. Vizitorët ftohen të vizitojnë edhe vendet arkeologjike aty pranë si Kalaja e Himarës, përcjell albinfo.ch.

Vëmendje e veçantë i kushtohet edhe Palasës, që përshkruhet si parajsë e vërtetë, me një plazh të rrethuar nga malet me bimësi të dendur dhe që ofron një përzierje befasuese të peizazheve të thyer dhe ujërave me një ngjyrë blu të thellë, shkruan TV Klan.