Fillon viti i ri shkollor në Shqipëri

Kryeministri shqiptar, Edi Rama, u ka uruar suksese nxënësve, mësuesve dhe prindërve në gjithë vendin, në nisjen e vitit të ri shkollor.

Ai u ka uruar sa më shumë sukses e mbarësi të gjithë fëmijëve, nxënësve, mësuesve të prindërve të gjithë Shqipërisë.

“Sot, kur dyert e shkollave janë çelur dhe një rrugëtim i ri i dijes sapo ka nisur me himnin kombëtar, në dërgimin e një urimi të përzemërt për sa më shumë sukses e mbarësi të gjithë fëmijëve, nxënësve, mësuesve e prindërve të gjithë Shqipërisë”, shkruan Rama, përcjell albinfo.ch.

Rreth 450 mijë nxënës të arsimit parauniversitar në vend nisën sot vitin e ri shkollor. 70 mijë u përkasin kopshteve, rreth 100 mijë janë gjimnazistë dhe 280 mijë në arsimin 9-vjeçar. Për herë të parë u ulën në bankat e shkollave rreth 29 mijë fëmijë që nisin klasën e parë.

Për herë të parë në këtë vit shkollor, në klasën e parë janë pranuar edhe ata që janë 5 vjeç, por që brenda vitit do të mbushin 6.