Bllokohet pasaporta e Sali Berishës, i caktohet masa “detyrim paraqitje”

Ish-kryeministrit të Shqipërisë, Sali Berishës, i është bllokuar pasaporta dhe i është caktuar masa “detyrim paraqitje”.

Sipas raportimeve nga TCH, kjo ka ndodhur si pasojë e rastit të privatizimit të ish-kompleksit “Partizani”.

Ndërkaq, kjo ka ndodhur pas arrestimit të Jamarbër Malltezit në aeroportin e Rinasit, dhëndrit të Berishës, i cili më herët ka mbajtur edhe postin e Drejtuesit të Departamentit të Mjedisit në Partinë Demokratike, përcjell albinfo.ch.

Ndryshe klubi sportiv “Partizani” ishte kompleksi më i rëndësishëm sportiv në pronësi të Ministrisë së Mbrojtjes, një pronë me rreth 10.000 m2, e cila në vitin 2008 është privatizuar me një vlerë prej 100.000 dollarësh.