Mali i Zi liron të dyshuarit për krime lufte në Kosovë

epa04141615 Kosovo Albanians mourn during the reburial ceremony of 19 of 46 Albanians killed by Serb Security forces during the 1998-99 war, in the village of Krusha e Vogel, Kosovo, 26 March 2014. Remains of 46 victims from a mass grave were identified and reburied 15 years after they were killed during the war. EPA/VALDRIN XHEMAJ

Gjykata e Lartë në Bjello Pole ka liruar nga paraburgimi shtetasin serb, Zhivko Vuksanoviq, 62 vjeç dhe të dyshuarin tjetër përkundër që Kosova ka kërkuar ekstradimin e tyre pasi dyshohet për krime lufte. Lirimi i Vuksanoviqit nga paraburgimi u konfirmua për Radion Evropa e Lirë nga kjo gjykatë.

Vuksanoviq gjendej në paraburgim prej 1 tetorit, në pritje të vendimit për ekstradimin ose jo të tij në Kosovë.

Gjykata e Lartë më 27 tetor vendosi për ekstradimin e Vuksanoviqit në Kosovë, po atë ditë, ish-ministri i Drejtësisë, Marko Kovaç, refuzoi kërkesën për ekstradim, përcjell albinfo.ch.

Ky ishte vendimi i dytë i tillë i ish-ministrit Kovaç për një javë, pasi më 26 tetor refuzoi edhe ekstradimin e Momçilo Vukotiqit, 61 vjeç, në Kosovë i cili po ashtu kërkohej nga autoritetet e Kosovës për krime lufte.