Avokati amerikan flet me shifra, zbulon sa u kushton shqiptarëve “ëndrra amerikane”

Kostoja për një avokat dhe tarifat e aplikimit variojnë nga 8000 deri në 20.000 dollarë mesatarisht.

Avokati Gary Yerman ishte këtë të premte i ftuar në një intervistë për “Good Morning Albanians”, ku ka treguar se sa mund t’i kushtojë një shqiptari “ëndrra amerikane”, përcjell albinfo.ch.

Ai tha se një shqiptar, i cili do të fillojë këtë proces dokumentesh, duhet të paguajë diku te 8-20 mijë dollarë për avokatin.

“Nëse vini këtu me një vizë turistike dhe jeni duke kërkuar për një punëdhënës dhe doni të nisni këtë proces, kostoja për një avokat dhe tarifat e aplikimit variojnë nga 8000 dollarë deri në 20.000 dollarë mesatarisht.

Ky është një proces me tre hapa dhe shumica e avokatëve ju lejon të paguani me këste. Ju bëni një pagesë fillestare për të nisur procesin. Ndoshta pas një viti në fazën e dytë, ju duhet të bëni pagesën e dytë”, tha avokati.

---