BE përmend 3 kushte për Kosovën para se të heq masat

Teksa Kosova vazhdon të jetë nën masat e BE-së pas tensioneve në veri të vendosura muaj më parë, lëvizjet diplomatike të kohëve të fundit dhanë sinjale për heqje të masave tani kur palët në parim kanë pranuar të lëvizin para në rrugën drejt zbatimit të marrëveshjes.

Por, Bashkimi Evropian ende nuk ka dhënë sinjal se kur do të hiqen masat ndaj Kosovës. Në vend të kësaj po përmenden kushte për heqje të masave, transmeton albinfo.ch.

“Shtensionimi në veri, zgjedhjet lokale në veri dhe angazhimi në dialog, duke përfshirë themelimin e Asociacionit. Prandaj, këto janë tri fusha që presim të ndërmerren hapa”, tha shefi i zyrës së BE-së në Kosovë, Tomas Szunyog.