Kancelari gjerman: Shqipëria së shpejti do të jetë anëtare e Bashkimit Evropian

(KEYSTONE/DPA/Christoph Soeder)

Kancelari gjerman, Olaf Scholz, i pyetur për marrëveshjen e fundit që Shqipëria arriti me Italinë për emigrantët, ka deklaruar se Shqipëria së shpejti do të jetë anëtare e Bashkimit Evropian, shkruan albinfo.ch.

“Mendoj se duhet pasur parasysh se nga këndvështrimi ynë, Shqipëria së shpejti do të jetë anëtare e Bashkimit Evropian”, ka thënë ai.

Scholz u shpreh se ajo që ka rëndësi në Evropë, “është të korrigjohen gjërat që nuk kanë shkuar mirë, të krijohet një mekanizëm solidariteti dhe të mos përpiqen t’i kalojnë vetëm sfidat”.