Shqipëria e Italia finalizojnë marrëveshjen për kontributet pensionale

Shqipëria dhe Italia finalizojnë të martën marrëveshjen për njohjen reciproke të kontributit për sigurimet shoqërore.

Kështu njoftuan nga Ministria për Evropën dhe Punët e Jashtme.

“Ministri për Evropën dhe Punët e Jashtme, Igli Hasani, do të zhvillojë nesër vizitën zyrtare, gjatë së cilës do të firmosë marrëveshjen me homologun Tajani. Marrëveshja vjen si një detyrim dhe e drejtë ndaj qytetarëve shqiptarë, italianë dhe italo-shqiptarë, të cilët kanë punuar me përkushtim për 30 vjet dhe kanë kontribuar në ekonominë dhe përparimin social të të dy vendeve tona”, thuhet në njoftimin e ministrisë.