Gjermania, shumë e shtrenjtë për Evropian

Kampionati Evropian “Euro 2024” do të zhvillohet nga 14 qershori deri më 14 korrik

Edhe pse Gjermania është njëra prej shteteve të Evropës, e cila është mbipopulluar nga hotelet dhe “Airnbnb”, “Euro 2024” ka bërë që ky sistem të shtrenjtohet shumë për shkak të kërkesës së madhe.

Tifozët e Shqipërisë, Zvicrës dhe ato të shteteve të tjera, të cilët janë pajisur me një biletë vetëm në ditët e fundit, do ta kenë shumë të vështirë të gjejnë vende ku mund të pushojnë, pasi hotelet dhe shtëpitë me qira thuajse janë të gjitha të zëna.

Sipas një reportazhi në mediet angleze, sistemi është aq i mbingarkuar sa tani dy net në çadër, në një kamp pranë Gelsenkirshenit, kushtojnë plot 556 funte (658 euro), transmeton albinfo.ch.

Autoritetet përkatëse në landin e Ruhrit kanë vënë re se hotelet dhe “Airbnb”-të janë të zëna dhe për këtë motiv kanë vendosur tenda në zona të caktuara, të cilat mund të rezervohen nga tifozët të paktën për dy net.

Tendat luksoze kushtojnë 556 funte (658 euro) për dy net, ndërsa tifozët, të cilët kanë tendat e tyre, do të duhet të paguajnë për vendin plot 128 funte (150 euro) nata.

Tifozët shqiptarë për të evituar pagesa të larta bëjnë mirë që të akomodohen në qytete pranë stadiumeve, ku do të mbahen takimet dhe të udhëtojnë drejt destinacionit të dëshiruar ditën e takimit.

 

---