Skip to content

UEFA dënon sërish Shqipërinë

HAMBURG, GERMANY - JUNE 19: A general view as Qazim Laci of Albania celebrates scoring his team's first goal with teammates during the UEFA EURO 2024 group stage match between Croatia and Albania at Volksparkstadion on June 19, 2024 in Hamburg, Germany. (Photo by Stuart Franklin - UEFA/UEFA via Getty Images) https://fshf.org/sq/euro-2024-shqiperia-barazon-2-2-me-kroacine-ne-stadiumin-volksparkstadion-te-hamburgut/

Bashkë me kombëtaren shqiptare, nga shtëpia e futbollit evropian u gjobitën edhe gjashtë vende të tjera

Shqipëria është gjobitur sërish nga UEFA. Kombëtarja “KuqeZi” u dënua me 30 mijë euro për “racizmin e shfrytëzuar në tribuna”.

Skuadra e drejtuar nga Sylvinho, mori një ndalim me kusht për tifozët në ndeshjen e parë jashtë fushe për shkak të sjelljes raciste të tyre në ndeshjet kundër Kroacisë dhe Spanjës.

Bashkë me kombëtaren shqiptare, nga shtëpia e futbollit evropian u gjobitën edhe gjashtë vende të tjera, transmeton albinfo.ch.

Kroacia u gjobit me 50 mijë euro dhe ndalim të tifozëve për ndeshjen e parë jashtë fushe për shkak të sjelljes raciste të tifozëve në ndeshjet kundër Spanjës, Shqipërisë dhe Italisë.

Po ashtu, u gjobit edhe Serbia me 30 mijë euro dhe ndalim të tifozëve për ndeshjen e parë jashtë fushe për shkak të sjelljes raciste të tifozëve në ndeshjet kundër Anglisë, Sllovenisë dhe Danimarkës.

Sllovenia u gjobit me 30 mijë euro dhe ndalim me kusht për tifozët në ndeshjen e parë jashtë fushe për shkak të sjelljes raciste të tifozëve në ndeshjet kundër Danimarkës, Anglisë dhe Portugalisë.

Rumania u gjobit me 40 mijë euro dhe nuk do t’i ketë tifozët në ndeshjen e parë jashtë fushe shkaku i sjelljeve raciste të tyre kundër Ukrainës, Belgjikës dhe Holandës.

Hungaria u gjobit me 30 mijë euro dhe ndalim me kusht për tifozët në ndeshjen e parë jashtë fushe për shkak të sjelljes raciste të tyre në ndeshjet kundër Gjermanisë dhe Skocisë.

Pa u dënuar nuk shpëtoi as Austria, që mori një gjobë prej 20 mijë eurosh, dhe nuk do t’i ketë tifozët në ndeshjen e parë jashtë fushe shkaku i sjelljeve raciste ndaj Polonisë.

Kombëtarja e Shqipërisë dhe ajo e Kroacisë janë në mesin e vendeve që u dënuan më së shumti gjatë “Euro 2024”, për shkak të sjelljeve të tifozëve.