Taulant Xhaka, 400 ndeshje me Baselin

Mesfushori shqiptar është një nga legjendat e skuadrës nga Bazeli

Taulant Xhaka është një legjendë e skuadrës së Baselit.

Skuadra zvicerane, e ka nderuar për paraqitjen e 400-të me klubin, shkruan albinfo.ch.

Ai filloi karrierën pikërisht me kategoritë e reja në Basel. Taulanti luajti edhe për Baselin U21, kurse nga viti 2010 ishte pjesë e skuadrës së parë.

Për dy edicione, 2012 dhe 2013 ishte në huazim në Grasshopper.

“Një ditë e veçantë për familjen tonë dhe vet Taulantin, i cili u nderua nga FC Basel me një fanellë speciale për shërbimin e tij ndaj klubit, pasi arriti 400 ndeshje zyrtare.

Ky nderim u bë para ndeshjes me Young Boys, ndërsa Taulanti arriti këtë shifër historike që në muajin shtator. Krenar për këtë arritje dhe përkushtimin e tij në ngjyrat kuqeblu! Përpara Taulant drejt sukseseve të reja”, ka shkruar në rrjetet sociale, babai i tij, Ragip Xhaka.

---