Era shkakton probleme në aeroportin e Cyrihut, anulime dhe vonesa në fluturime

(KEYSTONE/Christian Merz)

Bise, një erë e ftohtë e thatë, bëri kërdi me trafikun ajror në aeroportin e Cyrihut të premten. Fluturime të shumta u vonuan dhe disa u anuluan.

Një zëdhënëse e aeroportit konfirmoi se, për shkak të kushteve aktuale të motit me erë verilindore, koncepti verior, me ulje nga veriu në pistën 14 dhe ngritje në lindje në pistën 10, ka filluar të funksionojë që rreth orës 9 të mëngjesit, transmeton albinfo.ch.

Sipas zëdhënëses, 18 fluturime të SWISS ishin anuluar në orët e hershme të pasdites: një fluturim në dalje dhe një fluturim kthimi për në Bruksel, Nice, Dyseldorf, Berlin, Shtutgart, Hanover, Bolonja, Heathrow në Londër dhe Frankfurt, raporton Blick.