Mbi 30 % të votave të numëruara, rezultatet deri më tani

Deri më tani janë numëruar 31.07% e kutive të votimit

Deri në orën 9:00 të mëngjesit, numëruesit në të gjithë Shqipërinë kanë numëruar 1624 kuti votimi nga 5225 që janë në të gjithë vendin.

Sipas shifrave zyrtare të raportuara nga Komisioni Qendror i Zgjedhjeve, votat në çdo qark të përkthyera në mandate japin një tablo ku Partia Socialiste kryeson thellë me numër mandatesh.

Kështu, socialistët kanë deri tani 83 mandate, ku rezultatin më të mirë e kanë në Tiranë, Fier, Durrës dhe Elbasan.

Nga ana tjetër, koalicioni i kryesuar nga Partia Demokratike është me 51 mandate, transmeton albinfo.ch.

Sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë që Partia Mundësia ka 1 mandat dhe Lëvizja Bashkë gjithashtu 1 mandat.

Deri më tani janë numëruar 31.07% e kutive të votimit.

---