Tuneli i Llogarasë do të hapet nesër

Udhëtarët kanë përdorur rrugën e vjetër panoramike të Llogarasë, që prej gati një viti

Kryeministri i Shqipërisë, Edi Rama, ka shpërndarë në rrjetin e tij social se tuneli i Llogarasë do të jetë i hapur që prej ditës së nesërme.

Që në prag të dimrit të shkuar dhe deri tani, ky tunel ka qenë i bllokuar si pasojë e punimeve, ashtu si edhe By Pass-i i Vlorës, që përdoret nga udhëtarët që shkojnë në zonën e bregut, transmeton albinfo.ch.

Udhëtarët kanë përdorur rrugën e vjetër panoramike të Llogarasë që prej gati një viti.

Në postimin e Ramës jepet një video e zv.kryeministres dhe ministres së Infrastrukturës, Belinda Balluku, e cila bën të ditur se tuneli do të jetë pa pagesë deri më 15 shtator.

Kjo nënkupton se pas 15 shtatorit do të vendoset një tarifë, e cila ende nuk është bërë publike sa do të jetë.

---