Yakin zbulon bisedën me Albian Hajdarin

Murat Yakin; Nuk mund ta ndikoj vendimin e tij

Përzgjedhësi i Kombëtares së Zvicrës, Murat Yakin, ka rrëfyer publikisht për komunikimin që pati me mbrojtësin Albian Hajdari, pas vendimit surprizë që ky i fundit të përfaqësojë Kombëtaren e Kosovës në vend të Zvicrës, përcjell albinfo.ch.

Ai theksoi se nuk pati mundësi as të ndikojë në zgjedhjen e lojtarit, duke pranuar respektimin e vendimit personal. “Ne e pranojmë vendimin e tij, nuk mund ta ndikojmë atë”, deklaroi Yakin.

Yakin gjithashtu shtoi se te Zvicra nuk lejohen favoritizma: “Ne nuk duam të përdorim lojtarë vetëm për të luajtur për ne. Ne mbështetemi në meritë.”

Sipas trajnerit, objektivi kryesor i skuadrës është kualifikimi — dhe rruga sportive që çdo lojtar duhet të ndjekë, përtej emrit apo prejardhjes: “Për ne, kualifikimi është ajo që ka rëndësi. Rruga sportive është gjëja më e rëndësishme.”

---