Pesë nëntori vendimtar, zgjedhje të reja apo mandatar të dytë?

Të mërkurën, më 5 nëntor, përfundon afati dhjetëditor brenda të cilit presidentja Vjosa Osmani duhet të mandatojë një kandidat tjetër për kryeministër ose të shpallë zgjedhje të parakohshme, përcjell albinfo.ch.

Pas dështimit të votimit për Qeverinë “Kurti 3” më 26 tetor, Osmani zhvilloi konsultime me partitë politike. Ajo ka theksuar se mandati i parë i takon partisë fituese, ndërsa mandatin e dytë mund ta propozojë çdo subjekt politik, sipas diskrecionit të presidentes.

Ndërkohë, kryeministri në detyrë, Albin Kurti, ka deklaruar se përpjekjet për krijimin e një koalicioni nuk kanë pasur sukses, pasi asnjëra nga partitë nuk ka pranuar ofertën për bashkëqeverisje.