Zvicra dëshiron që OKB-ja të njohë artin e “Yodel-ay-HEEE-Oooo”

Qeveria zvicerane ka propozuar që arti tradicional i jodelit të përfshihet në listën e trashëgimisë kulturore jomateriale të UNESCO-s, përcjell albinfo.ch.

Agjencia kulturore e Kombeve të Bashkuara pritet të marrë vendimin deri në fund të këtij viti. Nëse miratohet, jodeli do t’i bashkohet një sërë formash të tjera të shprehjes kulturore që përfaqësojnë identitetin zviceran, si karnavalet e Basel-it (Basel Fasnacht), Festa e Vreshtarëve në Vevey, zanati i orëndreqjes, dhe sezoni tradicional i kullotave alpine.

Jodeli – i njohur për këngët karakteristike që alternojnë tonet e ulëta dhe të larta me tingujt “ay-heee-ooo” – ka qenë për shekuj simbol i jetës në Alpe dhe i bashkimit të komuniteteve malore. Propozimi i ri synon ta mbrojë dhe promovojë këtë art si një pjesë thelbësore të trashëgimisë kulturore të Zvicrës.