Interesim i jashtëzakonshëm për ndeshjen Kosovë-Turqi, shiten të gjitha biletat

Shiten të gjitha biletat për finalen Kosovë–Turqi në “Fadil Vokrri”

Federata e Futbollit e Kosovës (FFK) ka njoftuar se janë shitur të gjitha biletat për ndeshjen finale Kosovë–Turqi, e cila do të zhvillohet në stadiumin “Fadil Vokrri” në Prishtinë, përcjell albinfo.ch.

Sipas FFK-së, interesimi i tifozëve ka qenë jashtëzakonisht i madh, duke bërë që biletat të përfundojnë brenda një kohe të shkurtër.

Për të mundësuar që edhe qytetarët që nuk kanë arritur të sigurojnë biletë ta ndjekin këtë përballje të rëndësishme, FFK në bashkëpunim me Komunën e Prishtinës ka paralajmëruar organizimin e aktiviteteve me ekrane gjigante, ku ndeshja do të transmetohet drejtpërdrejt.

Kjo përballje konsiderohet historike për futbollin kosovar dhe pritet të sjellë atmosferë të jashtëzakonshme në kryeqytet./Albinfo.ch

---