Kryeministri i Shqipërisë: Mund të flas pa lejen e Evropës, por jo pa atë të amerikanëve

Presidenca e Republikës së Kosovës

Kryeministri i Shqipërisë, Edi Rama, ka tërhequr vëmendjen gjatë një interviste, ku komentoi funksionimin e NATO-s dhe raportin e vendeve anëtare brenda saj, duke theksuar se shtetet e vogla nuk kanë rol vendimmarrës dominues, por shpesh përfitojnë nga zhvillimet e mëdha gjeopolitike.

“Mund të flas pa lejen e grekëve, mund të flas pa lejen e evropianëve, nuk mund të flas pa lejen e amerikanëve… Po, ne jemi anëtar i NATO-s. Por prapëseprapë, e dini, nuk është se vendosim shumë atje”, ka deklaruar ai, teksa tha se vendet anëtare shpesh i atribuojnë vetes merita ose përgjegjësi varësisht nga rezultatet e vendimeve të aleancës, transmeton albinfo.ch.

Rama përmendi si shembuj ndërhyrjen në Kosovë dhe tërheqjen nga Afganistani, duke theksuar perceptimin e ndryshëm që krijohet në opinionin publik për rolin e NATO-s dhe vendeve anëtare, teksa sa u përket dinamikave diplomatike, Rama theksoi se “të mëdhenjtë marrin përgjegjësinë kryesore”, ndërsa vendet më të vogla shpesh përfitojnë politikisht nga sukseset kolektive.