Avdullahu vazhdon kontratën me Hoffenheim

Ai do të qëndrojë te kjo skuadër, të paktën deri në vitin 2031

Mesfushori shqiptar Leon Avdullahu ka rinovuar kontratën me Hoffenheim.

Ai do të qëndrojë te kjo skuadër, të paktën deri në vitin 2031.

Për Avdullahun ka folur drejtori sportiv i klubit gjerman, Andreas Schicker.

“Leoni është një shembull kryesor se si mund të duket zhvillimi i një lojtari të ri këtu te TSG. Jam shumë i lumtur që ai dëshiron të vazhdojë këtë rrugë të suksesshme me ne dhe që skuadra mban një nga figurat e saj kryesore.

Leoni mund ta lexojë një ndeshje, ai është një strateg dhe vizioni i tij është me rëndësi të madhe për stilin tonë të lojës”, theksoi ai, transmeton albinfo.ch.

 

---