Edhe një tjetër shqiptar do të luajë në Premier League

Foto FB: Ipswich Town Football Club

Edhe një tjetër shqiptar do të paraqitet në edicionin e ardhshëm të elitës angleze.

Sot Anis Mehmeti me Ipswichin fituan 3:0 ndaj QPR-së në kuadër të xhiros së 46-të, fitore e cila ka bërë që Ipswichi ta sigurojë rikthimin direkt në Premier League, nga pozita e dytë.

Ipswichi e siguron kthimin në elitën angleze me 84 pikë nga pozita e dytë, teksa ishte edhe ndeshja e fundit e sezonit, transmeton albinfo.ch.

25-vjeçari shqiptar është mesfushor, i cili e mbylli edicionin me 11 gola e tetë asistime në 50 paraqitje në të gjitha garat.

Mehmeti në muajin janar u transferua tek Ipsëichi nga Bristol City, ndërsa ka luajtur për të rinjtë e Fulhamit, Tottenhamit dhe Norwichit.