Edon Zhegrova viziton Konsullatën e Kosovës në Milano

Futbollisti i Kosovës dhe Juventusit u prit nga Konsulli i Përgjithshëm, Diamant Kastrati

Konsullata e Përgjithshme e Republikës së Kosovës në Milano ka mirëpritur futbollistin e njohur kosovar, Edon Zhegrova, i cili po vlerësohet si një nga ambasadorët më të mirë të sportit kosovar në Itali, transmeton albinfo.ch.

Në këtë vizitë, Zhegrova ishte i shoqëruar edhe nga babai i tij, Lulzim Zhegrova, ndërsa u prit nga Konsulli i Përgjithshëm i Kosovës në Milano, Diamant Kastrati.

Përmes një njoftimi, Konsullata e cilësoi takimin si një kënaqësi të veçantë, duke vlerësuar kontributin dhe prezantimin dinjitoz që Edon Zhegrova i bën Kosovës në arenën ndërkombëtare përmes sportit.

“Është kënaqësi e veçantë të mirëpresim në Konsullatën e Përgjithshme të Kosovës në Milano futbollistin e spikatur të Kosovës dhe Juventusit, si dhe ambasadorin e sportit të Kosovës në Itali, z. Edon Zhegrova”, thuhet në njoftimin e Konsullit të Përgjithshëm, Diamant Kastrati./Albinfo.ch

---