Shqipëria
Incidente në protestën para Kuvendit të Shqipërisë, raportohet për 10 policë të lënduar
Dhjetë policë janë lënduar sot gjatë përplasjeve me protestuesit e mbledhur para Kuvendit të Shqipërisë, teksa njoftohet se janë arrestuar të paktën 23 persona.
Që nga fillimi i protestave, para çdo seance plenare, një pjesë e protestuesve që zakonisht mblidhen në mbrëmje para Kryeministrisë, mblidhen edhe para Kuvendit duke ju kërkuar deputetëve të shumicës dhe opozitës të dorëzojnë mandatet.
Pas incidenteve të sotme, një përfaqësues i lartë i Partisë Socialiste, Taulant Balla përmendi edhe Rusinë si nxitëse të protestave.
“Pas protestave nuk është vetëm Irani, por edhe vendet fqinje, por edhe Kremlini”, tha ai, transmeton albinfo.ch.
Sipas tij, në protestë ka persona të paguar për të shkaktuar trazira.
“Dritan Goxhaj është person që paguhet nga Irani. Kemi prova. Ai publikisht sulmon Shtetet e Bashkuara për hesap të Iranit kjo është një provë që duhet administruar urgjentisht. Të dalësh e të thuash se këtu duhen vrarë udhëheqësit politikë me plumb ballit, më vjen keq që prokuroria nuk vepron”, tha ai.
Ndryshe, opozita shqiptare bojkotoi seancën e sotme duke deklaruar se nuk do të bëhet pjesë e asnjë diskutimi nëse nuk futet në rend dite diskutimi për shfuqizimin dhe ndryshimin e katër ligjeve, kërkuar nga protestuesit: ligji për zonat e mbrojtura, investimet strategjike, paketa e maleve dhe disa nene të ligjit për trashëgiminë kulturore.
Të tjera nga Shqipëria
E-Diaspora
-
Itali
Parada Arbëreshe në Spezzano Albanese, tradita shqiptare në rrugët e qytetit Veshjet tradicionale, muzika dhe vallet sollën në qendër të qytetit trashëgiminë e komuniteteve arbëreshe dhe lidhjen... -
Punime në rrugën drejt Aeroportit të Prishtinës, paralajmërohen vonesa në qarkullim -
Dy shtetas të Kosovës në paraburgim në Gjermani, dyshohen për dy zjarrvënie -
Profesoresha shqiptare Shyhrete Rexhaj drejton debatin shkencor mbi vetëvlerësimin dhe kujdesin në fushën e infermierisë në Lozanë -
Deola Sejdiu përfundon me sukses kursin e HarvardX
Jeta në Gjermani
-
Dy shtetas të Kosovës në paraburgim në Gjermani, dyshohen për dy zjarrvënie Njëri prej rasteve po hetohet edhe si tentativë vrasjeje, pasi në shtëpinë e përfshirë nga zjarri...
-
Berlini si model për banesa më të përballueshme: Çfarë mund të bëjë Zvicra? -
Gjermania dhe Kosova bashkojnë forcat kundër rriqrave që bartin virusin vdekjeprurës -
Schengen për Ballkanin, më pak punëtorë nga rajoni në Gjermani: Plani që prek edhe Kosovën -
Infermierë nga Kosova marrin njohjen për punë në Gjermani
