Një iniciativë kërkon transport publik falas për të gjithë

Iniciuesit argumentojnë se trafiku duhet të zhvendoset nga rruga në hekurudhë. "Një shërbim tërheqës është një parakusht thelbësor për këtë," thonë ata

Tramvaje dhe autobusë falas për të gjithë, transport publik falas për të rinjtë, studentët, pensionistët dhe personat me të ardhura të ulëta: Një iniciativë e re mund të revolucionarizojë transportin publik në Zvicër.

Për të rinjtë, studentët, pensionistët dhe njerëzit me të ardhura të ulëta, i gjithë transporti publik duhet të jetë falas. Për të gjithë të tjerët, ata po bëjnë thirrje për një kartë udhëtimi GA me zbritje me një çmim maksimal prej tre frangash në ditë, ose 1,095 franga në vit, tranmseton albinfo.ch. Për krahasim: Një kartë udhëtimi GA e klasit të dytë aktualisht kushton pothuajse 4,000 franga.

Një komitet përkatës ka nisur fushatën e peticionit në një konferencë për shtyp, shkruan blick.ch. Ideja buron nga lëvizja e qytetarëve zviceranë frëngjishtfolës “Agissons!”, por aty janë të përfshirë edhe tre anëtarë (deputetë) të Këshillit Kombëtar: Brenda Tuosto (Partia Socialdemokrate), Christian Dandrès (Partia Socialdemokrate) dhe Delphine Klopfenstein Broggini (Partia e Gjelbër). Ata argumentojnë se trafiku duhet të zhvendoset nga rruga në hekurudhë. “Një shërbim tërheqës është një parakusht thelbësor për këtë,” thonë ata.

Inicatorët tregojnë qytete si Dunkirk (Francë), Montpellier (Francë) dhe Tallinn (Estoni), të cilat tashmë kanë koncepte të ngjashme, transmeton albinfo.ch. Megjithatë, është gjithashtu e qartë se ideja do të kushtojë para. Nismëtarët duan të krijojnë një fond me tetë miliardë franga zvicerane çdo vit për ta financuar atë. Ndër të tjera, kompanitë e mëdha do të paguajnë një taksë lëvizshmërie, dhe makinat e mëdha ndotëse do të tatohen më rëndë.

Shanset që propozimi të ketë sukses janë të pakta. Së pari, nismëtarët duhet të mbledhin 100,000 nënshkrime; vetëm atëherë do të vendosë populli.

---