Albert Sylaj, i dyshuari për vrasjen e 49-vjeçares Arlinda Zekaj, është arrestuar nga Policia e Kosovës, pas kërkimeve për lokalizimin e tij.
Albert Sylaj, i dyshuari për vrasjen e Arlinda Zekajt, ka përfunduar në prangat e Policisë së Kosovës, mëson ekskluzivisht Gazeta Sinjali.
Sipas burimeve të Sinjalit, arrestimi vjen pas zhvillimeve të mbrëmjes së sotme, kur Sylaj ishte lajmëruar nga Deçani dhe kishte bërë të ditur se nuk dëshironte t’u dorëzohej hetuesve, por vetëm pjesëtarëve të njësisë speciale FIT.
Arrestimi i tij vjen pas kërkimeve të zhvilluara nga organet e rendit, pasi ai ishte në arrati që nga vrasja e 49-vjeçares Arlinda Zekaj, më 25 tetor.
Sylaj kishte komunikuar përmes interfonit me vëllain e tij, duke kërkuar dhjetë minuta kohë për të biseduar me familjarët para se të dorëzohej.
Shënim: Personat e përmendur në këtë artikull konsiderohen të pafajshëm derisa fajësia e tyre të vërtetohet me vendim të formës së prerë të gjykatës.
