Ministri i Digjitalizimit dhe Administratës Publike në Kosovë, Lulëzon Jagxhiu, ka pritur në takim ambasadoren e re të Zvicrës në Kosovë, Anne-Lise Cattin Hennin.
Gjatë takimit, ata diskutuan për marrëdhëniet ndërmjet Kosovës dhe Zvicrës, të mbështetura në miqësi dhe vlera të përbashkëta, si dhe për mundësitë e thellimit të bashkëpunimit, transmeton albinfo.ch.
Jagxhiu vlerësoi mbështetjen e vazhdueshme të Zvicrës për zhvillimin e Kosovës dhe forcimin e institucioneve të saj. Sipas tij, partneriteti ndërmjet dy vendeve përbën një bazë të mirë për nisma të reja në fusha me interes të përbashkët.
Një nga temat e diskutimit ishte edhe mundësia e bashkëpunimit në projekte që përdorin të dhënat për të matur ndikimin e politikave publike dhe për të kuptuar rezultatet e tyre. Këto të dhëna do të mund të shërbenin edhe për mbështetjen e vendimmarrjes në dëshmi konkrete.
