Kryeministri i Kosovës, Albin Kurti, ka bërë të ditur se janë identifikuar mbetjet mortore të tre shqiptarëve që ishin zhdukur gjatë luftës së vitit 1999.
Të identifikuarit janë Adem (Fazli) Ademi, Fatmir (Bajram) Fazliu dhe Ali (Islam) Haliti, pjesëtarë të grupit të njohur si “Grupi i Intelektualëve”, të cilët ishin rrëmbyer nga forcat serbe, përcjell albinfo.ch.
Identifikimi është realizuar përmes analizave të ADN-së, pas ekzaminimit të mbetjeve mortore të zhvarrosura në lokacionet e Kalludrës dhe Jabukës.
Sipas njoftimit të Kurtit, familjet e tre viktimave janë informuar zyrtarisht për rezultatet e identifikimit.
Pas dekadash pasigurie dhe pritjeje, ky konfirmim u mundëson familjeve të marrin përgjigje për fatin e më të dashurve të tyre dhe të vazhdojnë me procedurat përkatëse për varrimin e tyre./Albinfo.ch
