Skip to content

Flamuri shqiptar do të ngrihet në Yonkers, komuniteti ftohet të bashkohet për 28 Nëntorin

Kryetari Mike Spano fton komunitetin shqiptaro-amerikan në ceremoninë që do të mbahet më 23 nëntor, pranë Bashkisë së Yonkers, në shtetin e Nju Jorkut.

Qyteti i Yonkers, në shtetin amerikan të Nju Jorkut, do të organizojë nesër, më 23 nëntor, ceremoninë e ngritjes së flamurit shqiptar, në prag të 114-vjetorit të Pavarësisë së Shqipërisë, përcjell albinfo.ch.

Kryetari i qytetit, Mike Spano, dhe autoritetet lokale kanë ftuar pjesëtarët e komunitetit shqiptaro-amerikan që t’i bashkohen ceremonisë kushtuar festës kombëtare shqiptare.

Aktiviteti do të nisë në orën 16:00, sipas kohës lokale, në Washington Park, në hapësirën Middle Grounds pranë Bashkisë së Yonkers, në anën e South Broadway. Pjesëmarrja është e hapur për të gjithë.

Ceremonia është përfshirë edhe në kalendarin zyrtar të qytetit për të hënën, më 23 nëntor./Albinfo.ch