AAK propozon Ardian Gjinin për kryeministër, Haradinaj s’do të jetë kandidat

Nënkryetari i AAK-së, Pal Lekaj, thotë se vendimi është marrë me pajtimin e Ramush Haradinajt

Nënkryetari i AAK-së, Pal Lekaj, ka bërë të ditur se kandidat për kryeministër nga kjo parti në zgjedhjet e ardhshme nuk do të jetë Ramush Haradinaj, përcjell albinfo.ch.

Ai ka deklaruar se Ardian Gjini pritet të jetë kandidat për kryeministër dhe njëkohësisht bartës i listës së AAK-së.

Në një intervistë për gazetën Blic, Lekaj tha se me këtë vendim është pajtuar edhe Haradinaj.

“Mendoj që Ardian Gjini do të jetë bartës i listës dhe kandidat për kryeministër. Ne ju kemi lut Haradinajt që edhe këto zgjedhje t’i prij listës, mirëpo me plotësimin e tij jemi dakorduar që ai më të mos i prij listës, dhe bartës i listës të jetë Ardian Gjini”, u shpreh Lekaj./Albinfo.ch

---