Abrashi: Zvicra miraton marrëveshjen për pensione me Kosovën

Ish ministri Punës e Mirëqenies Sociale i Kosovës, Arban Abrashi ka njoftuar se Këshilli Kombëtar i Zvicrës, me 110 vota pro ka vendosur për finalizimin e marrëveshjes në fushën e pensioneve, transmeton albinfo.ch.
Sipas tij me këtë vendim pensionistët që kanë punuar në Zvicër mund ti marrin pensionet edhe nëse jetojnë në Kosovë.
Abrashi për këtë ka falënderuar institucionet e Zvicrës për këtë vendim.
“Urime bashkatdhetarëve tanë në Zvicër.
Një falënderim i veçantë për përfaqësuesit politik dhe institucional të Zvicrës, të cilët gjatë mandatit tim si Ministër i Punës e Mirëqenies, mundësuan negociatat dhe rrjedhimisht edhe nënshkrimin e marrëveshjes në fushën e pensioneve. Sot, sipas dinamikës së paraparë, Këshilli Kombëtar i Zvicrës, me 110 vota pro, vendosi për marrëveshjen e finalizuar gjatë qeverisjes tonë. Përndryshe, krenar me punën profesionale të ekspertëve tanë për të arritur ketë marrëveshje, pas një pune kolosale, pilot marrëveshjes, dhe negociatave të vazhdueshme”, ka shkruar Abrashi.
Abrashi ka bashkangjitur edhe linkun e një shkrimi të blick.ch lidhur me këtë vendim.

https://www.blick.ch/news/politik/kosovo-rueckkehrer-kaempfen-fuer-ihre-ahv-heute-entscheidet-der-nationalrat-wir-wollen-doch-nur-was-uns-zusteht-id15358251.html?fbclid=IwAR0GtbhGzw81tsUyPb_wn3-Dzna9qEioaK03-ZN9ZitjXx9BLsh5ohrfQQM