Aeroplani nga Prishtina del nga pista në Stamboll, ambasada e Kosovës del me njoftim

Ambasada e Republikës së Kosovës në Turqi ka raportuar për një incident ajror që ndodhi sot në Aeroportin “Sabiha Gökçen” të Stambollit. Një aeroplan i kompanisë AJet, i tipit Boeing 737-800, ka dalë nga rruga e taksimit pas aterimit.

Fluturimi Prishtinë–Stamboll, me numër TKJ76Q / VF102, u ndal në skajin e pistës menjëherë pas prekjes së saj. Të gjithë pasagjerët u evakuuan në mënyrë të sigurt duke përdorur shkallët e jashtme, pa nevojë për rrëshqitësit emergjentë. Nuk raportohet për të lënduar, dhe udhëtarët vazhduan udhëtimin e tyre drejt destinacioneve përkatëse.

Kompania AJet theksoi se aterimi ishte i rregullt, por gjatë lëvizjes në rrugën e taksimit avioni ka dalë në terren të butë për shkak të reshjeve të dendura të shiut.

Ambasada e Kosovës në Turqi ka bërë thirrje që qytetarët të kontaktojnë për ndihmë në rast nevoje:

📌 Ambasada e Republikës së Kosovës – Ankara

📞 +90 542 711 80 99

✉️ embassy.turkey@rks-gov.net

📌 Konsullata e Përgjithshme e Republikës së Kosovës – Stamboll

📞 +90 531 105 63 91

✉️ consulategeneral.ist@rks-gov.net