Aeroporti “Adem Jashari” certifikohet me “Airport Carbon Accreditation”

Akreditimi i Karbonit në Aeroporte është program i cili administrohet nga kompania WSP Parsons Brinckerhoff të caktuar nga Këshilli Ndërkombëtar i Aeroporteve në Evropë (ACI Europe), i cili përfaqëson rreth 500 aeroporte nga 45 vende evropiane

Aeroporti Ndërkombëtar i Prishtinës “Adem Jashari” është certifikuar në nivelin e parë të programit për Akreditimin e Karbonit në Aeroporte (Airport Carbon Accreditation) për kontributin e dhënë në përcaktimin e burimeve dhe kalkulimin e emetimit të gazrave serë në baza vjetore brenda kompanisë, njofton Zyra për marrëdhënie me publikun e aeroportit “Adem Jashari”.

“Duke marrë parasysh problemet qe vijnë si rezultat i kësaj dukurie dhe ndikimin e aeroporteve në rritjen e vetëdijes për mbrojtjen e ambientit, Aeroporti i Prishtinës ka filluar me identifikimin e faktorëve ndikues, për të vazhduar me planifikimin e strategjive që do të ndikojnë pozitivisht në zvogëlimin e emetimit te gazrave”, thuhet në vlerësimin e këtij program.

Akreditimi i Karbonit në Aeroporte është program i cili administrohet nga kompania WSP  Parsons Brinckerhoff të caktuar nga Këshilli Ndërkombëtar i Aeroporteve në Evropë (ACI Europe), i cili përfaqëson rreth 500 aeroporte nga 45 vende evropiane.

Sipas statistikave të Asociacionit Evropian të Aviacionit, që prej fytjes në përdorim të terminalit të ri në tetor të vitit 2013, aeroporti “Adem Jashari” po arrin të futet në konkurrencën evropiane për standarde aeroportuale. Aeroporti i Prishtinës me kapacitetet e tanishme  mund t’i përballojmë deri në 4.5 milionë pasagjerë në vit dhe në orët më të zëna (të pikut) ai mund t’i menaxhojë deri në 16 fluturime brenda një ore, në të dyja drejtimet, vajtje-ardhje.