Aeroporti më i ngarkuar i Gjermanisë do të reduktojë fluturimet

(KEYSTONE/Martial Trezzini)

Fraport (Aeroporti i Frankfurtit) do të aplikojë në Ministrinë gjermane të Transportit në fillim të javës së ardhshme për të “ulur numrin e fluturimeve në orë nga 96 në 88”, tha një zëdhënëse, përcjell albinfo.ch.

Vendimi i operatorit ishte “i drejtë”, tha Jens Ritter, CEO i markës së transportuesit kombëtar gjerman Lufthansa, i cili përdor Frankfurtin si bazë.

Anulimet e detyruara kishin “zhgënjyer shumë mijëra klientë, kishin shkaktuar punë shtesë të madhe për punonjësit tanë dhe kosto shtesë në miliona (euro)”, tha Ritter në një deklaratë.

Bisedimet me ato linja ajrore do të “intensifikoheshin” pasi aplikimi i Fraport të ishte miratuar, tha zëdhënësja.

Kërkesa për udhëtime është rritur përsëri pasi kufizimet e koronavirusit janë lehtësuar, duke tejkaluar shumë kapacitetin që ishte zvogëluar gjatë pandemisë, përcjell tutje albinfo.ch.