Afaristët gjermanë kundërshtojnë kufizimin e numrit të punëtorëve nga Ballkani

KEYSTONE

Afaristët gjermanë kanë shprehur pakënaqësinë e tyre me planin e qeverisë për të kufizuar fluksin e fuqisë punëtore nga Ballkani Perëndimor me 25 mijë në vit.

Ata thonë se Dekreti i Ballkanit Perëndimor, në fuqi që nga janari i vitit 2016, ka hapur mundësi punësimi në Gjermani për njerëzit nga Maqedonia, Shqipëria, Bosnja dhe Hercegovina, Kosova, Mali i Zi dhe Serbia, ndërsa zvogëlon migrimin e paligjshëm dhe është një model i suksesshëm mbi politikën e migracionit gjerman, raportojnë mediat gjermane, përcjell albinfo.ch.

Sipas Deutsche Welle, projektligji mbi të cilin po punojnë ministritë, për të kufizuar numrin e punëtorëve në Ballkanin Perëndimor në 25,000 në vit, është kritikuar nga të gjitha anët.

Shoqata Qendrore e Industrisë Gjermane të Ndërtimit vlerëson se afro 50,000 punëtorë ndërtimi nga Ballkani Perëndimor punojnë në kantierët e ndërtimit gjerman.