Akil Gjakova fiton në repesazh, vazhdon garën për medaljen e bronztë

Xhudisti kosovar mposhti kroatin Robert Klacar në kategorinë deri në 73 kilogramë

Akil Gjakova ka shënuar fitore në raundin e parë të repesazhit në kategorinë deri në 73 kilogramë, duke mposhtur kroatin Robert Klacar.

Gjakova kaloi një moment të vështirë gjatë duelit, pasi kundërshtari arriti të marrë avantazh me 1 minutë e 15 sekonda të mbetura, por kosovari reagoi shpejt dhe barazoi me Yuko, përcjell albinfo.ch.

Në vazhdim, Gjakova rriti presionin dhe Klacar u ndëshkua për herë të tretë me Shido, çka i dha fitoren xhudistit kosovar.

Me këtë rezultat, Akil Gjakova vazhdon garën për medaljen e bronztë.

 

---