Aksion i madh në Pejë, sekuestrohet mbi 1 ton drogë

Raportohet se mbi 1 ton drogë është sekuestruar në pjesën malore të fshatrave Kliçin dhe Sferkë në Pejë, ka njoftuar zëdhënësi i Prokurorisë Themelore në Pejë, Shkodran Nikçi.

Sipas Nikçit, vlera e drogës është rreth 5 milionë euro dhe ndër aksionet më të mëdha antidrogë nga paslufta.

“Sot mbi një (1) ton drogë e sekuestruar nga Prokuroria Themelore në Pejë. Vlera e drogës është rreth 5 milionë euro dhe është ndër aksionet më të mëdha antidrogë nga paslufta. Aksioni është në zhvillim…”, ka shkruar Nikçi në llogarinë e tij në Facebook.

KOHA ka kërkuar më shumë informacion nga Nikçi, por ai ka thënë se detajet do të bëhen të ditura në konferencë për media pasdite.