Aktori Kevin Spacey s’do të ndiqet penalisht

Aktori Kevin Spacey nuk do të ndiqet penalisht për sulmet e supozuara seksuale ndaj disa personave. Nga zyra e prokurorit të qarkut të Los Angelesit është njoftuar se incidenti në fjalë ka ndodhur jashtë kompetencave ligjore të shtetit të Kalifornisë.

Zyrtarët kanë konfirmuar në prill që pohimet për sulm seksual nga aktori Spacey që ndodhi në vitin 1992 në Hollywoodin perëndimor, megjithatë po hetohen. E një rast tjetër, nga viti 2016, në të cilin po ashtu është i përfshirë aktori, po hetohet, përcjell albinfo.ch.

Që nga nëntori shumë akuza në drejtim të aktorit për ngacmime seksuale janë publikuar deri më tash. Spacey pohonte se nuk i kujtohet diçka e tillë, por kërkoi falje publike. Por akuzat shtrihen përtej Hollywoodit dhe arrijnë deri në Londër, ku Spacey punoi në teatër dhe thuhet se kishte ngacmuar disa aktorë të rinj.

Sidoqoftë, të gjitha këto akuza, pavarësisht pse aktorit s’i kujtohen ngjarjet, e detyruan atë që të largohet nga seria e jashtëzakonshme e platformës Netflix, “House of Cards”.