Aktorja shqiptare në Zvicër, dhuron respiratorë në Tiranë

Diaspora shqiptar,e gjithmonë në mbështetje të vendlindjes.

Çdo herë e më shumë shqiptarë po arrijnë suksese në diasporë, duke u bërë emra të njohur dhe duke zotëruar poste të mira pune, transmeton albinfo.ch.

Veçmas një numër i konsiderueshëm i mërgimtarëve në Zvicër po depërtojnë në shumë fusha të ndryshme. Ndihma e tyre karshi vendit të lndjes nuk ka munguar asnjëherë, së fundmi, aktorja e njohur shqiptare në Zvicër, Zhaklina Dhimojani Blättler, dhuron disa respiratorë për Spitalin Universitar “Shefqet Ndroqi” në Tiranë, transmeton tutje albinfo.ch.

Duhet theksuar se aktorja e njohur për publikun shqiptar është larguar nga Shqipëria në vitet 90 dhe gjatë këtyre viteve në Zvicër ka dhënë ndihmën e saj në fushën sociale, ka promovuar artin dhe kulturën tonë në diasporë si dhe ka kontribuar me donacione të ndryshme për Bashkinë e qytetit të Himarës, prej nga ajo ka origjinën. /Albinfo.ch

https://www.facebook.com/permalink.php?story_fbid=1667002653470516&id=339209959583132

---