Aliu reagon pas “sulmeve” ndaj Vetëvendosjes

Deputeti i Lëvizjes Vetëvendosje, Liburn Aliu ka reaguar dhe ka thënë se subjekti të cilit i përket po sulmohet nga të gjitha anët.

Kështu ka shkuar Aliu në rrjetin social Facebook dhe ka drejtuar akuza ndaj Presidentit, Hashim Thaçi, Kryeparlamentarit Kadri Veseli dhe Kryetarit të PSD-së, Shpend Ahmetit.

“Sulm masiv mbi Lëvizjen. Sa po munden nga të gjitha anët godasin Hashimët, Kadritë, Shpendët, Batonët e Molliqët. Herë përmes portaleve e herë drejtpërdrejtë”, ka shkruar Aliu.

Sipas tij, Lëvizja Vetëvendosje nuk po zvogëlohet por vetëm po rritet.

“E paskan vendosë me dhanë territor si duket. Kot e kanë, nuk do të munden. Lëvizja VETEVENDOSJE! vetëm po rritet”, ka shtuar Aliu.

Gjatë ditës së sotme është mbajtur edhe seanca gjyqsore ndaj rastit të “Syrit të Popullit”.

Në këtë gjykim kanë dëshmuar edhe Kadri Veseli e edhe Hashim Thaçi.

Thaci gjatë dëshmisë së tij ka përmendur edhe emrat e Albin Kurtit të parit të LVV-së, Sadri Ramabajës dhe Glauk Konjufcës.

Emrat e Kurtit, Ramabajës e Konjufcës u përmendën nga presidenti pasi u pyet se kush e kishte themeluar “Syrin e Popullit.