Ambasada britanike me thirrje për deputetët e Kuvendit të Kosovës

Foto: Kuvendi i Kosoves

Ambasada e Britanisë së Madhe në Prishtinë u ka bërë thirrje deputetëve të Kosovës që të punojnë së bashku në drejtim të formimit të institucioneve të reja, dhe këtë ta bëjnë urgjentisht. 

Sipas njoftimit, apelohet që zgjidhja e situatës politike të bëhet sa më shpejt për të mirën e popullit dhe të partneriteteve që Kosova ka me shtetet e tjera. 

“Kjo është përgjegjësi e politikanëve të Kosovës dhe jo e sistemit të saj. Ata tani duhet urgjentisht të punojnë së bashku për ta zgjidhur këtë situatë përmes dialogut paqësor dhe negociatave, për të mirën e popullit të Kosovës dhe partneriteteve ndërkombëtare”, thuhet në reagim, transmeton albinfo.ch.