Lajme

Ambasada e Kosovës në Itali: Asnjë kosovar i prekur nga koronavirusi

Fatmirësisht, deri më sot nuk rezulton i prekur nga ky virus asnjë shtetas nga Kosova

E hënë, 24 Shkurt 2020 - 10:40 albinfo.ch

EPA/MALTON DIBRA

Ambasada e Kosovës në Itali ka njoftuar se deri më sot nuk rezulton i prekur nga koronavirusi asnjë shtetas kosovar që jeton atje.

Me anë të një njoftimi për media Ambasada e Kosovës në Romë thekson se bashkë me Konsullatën e Përgjithshme në Milano janë duke e monitoruar dhe ndjekur me shumë vëmendje dhe kujdes emergjencën shëndetësore lidhur me përhapjen e këtij virusi, transmeton Indeksonline.

“Fatmirësisht, deri më sot nuk rezulton i prekur nga ky virus asnjë shtetas nga Kosova. U bëjmë thirrje shtetasve tanë me banim/qëndrim në Itali, se në rast nevoje mund të na kontaktojnë në çdo moment në numrat e emergjencës 24/7. Në koordinim me organet dhe institucionet tona dhe ato vendore italiane, mbetemi në gatishmëri të plotë të shtetasve tanë”.

Kjo ambasadë ka vendosur edhe numrat e emergjencave e që janë si vijim: në Romë është +393274526991; dhe ai i Konsullatës së Përgjithshme në Milano: +393472127662.