Ambasadori gjerman beson se liberalizimi i vizave do të ndodhë shumë shpejt

Megjithatë, ai nuk ka dhënë ndonjë afat për liberalizimin e vizave

Me rastin e 10 vjetorit të vendosjes së marrëdhënieve diplomatike mes Gjermanisë dhe Kosovës, ambasadori gjerman Christian Heldt sot ka bërë zbulimin e shtatores së “Ambasadorit“ të Berlinit në Prishtinë, e ashtuquajtur arushë, i cili është punuar nga artistja kosovare, Arta Rudaku.

Me këtë rast, ambasadori Heldt shpreson se liberalizimi i vizave do të ndodhë shpejt, vendim të cilin e merr Komisioni Evropian, e cila ka vë edhe kritere të tjera siç janë lufta kundër korrupsionit dhe krimit të organizuar, raporton “Kosovapress”.

Megjithatë, ai nuk ka dhënë ndonjë afat për liberalizimin e vizave, përcjell albinfo.ch.

Ai ka folur edhe për vizitën e presidentit të Kosovës, Hashim Thaçi më 9 maj me kancelaren gjermane Angela Merkel, duke shpresuar do të jetë një takim i mirë dhe i frytshëm ndërmjet tyre.

Ambasadori po ashtu ka folur edhe për dialogun Kosovë-Serbi, i cili tha se kjo çështje e cila është në finalizim, të vazhdojë ndërmjet Kosovës dhe Serbisë, që është në të mirë të dyja vendeve.