Anulime të shumta të fluturimeve mes Zvicrës dhe këtij rajoni

Përditësimi: Fluturimet më të fundit nga Zvicra në Lindjen e Mesme

Pasiguria e vazhdueshme politike në rajon shkaktoi anulimin e disa fluturimeve nga Zvicra drejt zonave të përfshira nga konflikti në Lindjen e Mesme, përcjell albinfo.ch.

Javën e kaluar, linja ajrore SWISS njoftoi se për shkak të tensioneve në rritje dhe pasigurisë në rajon, linja ajrore nuk do të kalojë hapësirën ajrore mbi Iran, duke pezulluar fluturimet drejt Teheranit dhe Bejrutit deri të paktën më 18 prill.

Të mërkurën, megjithatë, linja ajrore tha se këto fluturime “do të mbeten të anuluara tutje, duke përfshirë 30 prillin 2024.

Megjithatë, SWISS ka rifilluar fluturimet e saj për në Tel-Aviv të martën.

EasyJet ndërkohë njoftoi se të gjitha fluturimet e saj drejt qytetit izraelit, të anuluara fillimisht deri më 21 prill, do të mbeten të pezulluara deri në fund të tetorit.

Linja ajrore buxhetore zakonisht kryen fluturime për në Tel-Aviv nga Gjeneva dhe Bazeli.

 

 

---